*էպիզոդ Զառա Տոնիկյանի հետ

Մեր հյուրն է վառ ու անկրկնելի Արմինե Գրիգորյանը։

Ինչու նա որոշեց թատրոնից տեղափոխվել էստրադա, ինչպես էին ծնվում նրա երգիծական ժանրի երգերը, նաև՝ երգչուհին պատմում է երիտասարդ տարիների կյանքի հետաքրքիր մանրամասներ։

*էպիզոդ Զառա Տոնիկյանի հետ

Պարզում ենք, թե աստղերը ինչ անհավանական և տարօրինակ նվերներ են ստանում, պատմում ենք, թե ինչ նվեր մատուցեց Դոնալդ Թրամփը իր կնոջը որպես հարսանեկան նվեր 1977 թվականին։ Դե իհարկե, կհիշենք նաև մե՛ր կյանքի «ամենաանկապ և տանը մնացած» նվերների մասին։

Շնորհավորում ենք բոլորի Ամանորը 🎄

Նախաամանորյա մեր հյուրն է թատրոնի և կինոյի անկրկնելի արտիստուհի Լալա Մնացականյանը։ Զրույցի ընթացքում իմանում ենք, թե ում դերը պիտի խաղար «Մեր Բակ»-ում, ինչու օպերատորները չէին անջատում տեսախցիկները, ամանորից քանի օր առաջ է Լալան հասցնում տները կարգի բերել, ինչ քանակի նվերներ է ստացել երեխա ժամանակ և շատուշատ այլ պատմություններ։

Խոսում ենք հայկական, սովետական, համաշխարհային կրկեսից։ Հիշում ենք կրկեսի նշանավոր մարդկանց՝ հայ փահլևանների (լարախաղաց), հանրահայտ վարժեցնողների, ծաղրածուների ու մնջախաղացների, նաև՝ անսպասելի մանրամասներ ԵԹԿՊ-ի ուսանողական տարիներից ու Սոս Սարգսյանից, Սիրկ դյու սոլեյի («Արևի կրկես») "Օ" շոուից և Կոպերֆիլդի ներկայացումներից։

Ու կիմանաք՝ մեզնից ով երբևէ ՉԻ եղել կրկեսում և ինչու։

Մեր հյուր Նառա Պապյանը հեռավոր 90-ականներին Մոսկվայում ստեղծում է «Արեգակ» հայկական երիտասարդական կենտրոնը։

Էպիզոդում քննարկում ենք այդ տարիների Մոսկվայի հայ երիտասարդների կյանքը։ «Արեգակ»-ն ապագա արտիստներն էին, նրանց սիրավեպերն ու հարսանիքները, ակտիվ հայ երիտասարդների անակնկալ պատմությունները, երբ անիրատեսական պայմաններում նրանց մոտ ստացվում էր անհնարինը։

Ֆասթֆուդ կար նաև 1962-ին։ Հիշում ենք լեգենդար լահմաջոանոցները, պելմեննոցները, այլ համով տեղեր ու մանրամասներ արագ սննդի մասին հենց ականատեսների պատմածներից՝ 10 կոպեկով կարկանդակներ, 30 կոպեկով գարեջուր ու 80 կոպեկով քյաբաբ։